Mumutware
Mumutware Lyrics
intro
Mwana weitu omurungyi nyakukundwa enyamwonyo kwekura eriibwa omwishiki kwakura ashwega mbwenu roko oze kwombeka agawe
Ebigambo ebi bigambigwe abazeire bawe ngu mbikuhiseho
(First verse)
Eshaha nizezi Bullet kambagambire ekyatureta aha
Twaretwaho embaga y'omwishiki nibamuhingira
Nibamuhereza omwojo we
Ngu amutware abe omukazi weye
Mbwenu munkwase tukwatanise tumusiibuure
Chorus
Mumutware
Mumukume
Omubutongore
Omwishiki weitu
Twamubahereza
Mugyende
Mwombeke amaka
Agarikwera
Agari kuhereza
Mukama ekitinisa X2
(Second verse)
Nyowe Bullet ayemereire omumeisho ganyu
Kambagambire ekigambo kimwe nikimara aha mugezi
Konka erizooba ninyenda mbagambire ebigambo bina
Mubikuratire aza nyensa muryanyebaza
Mukundane,mwesigane,musasirane aza mutahurira n'engambo
Eby'ebintu mwabikuratira
Amaka ganyu nigahangara
Chorus
Mumutware
Mumukume
Omubutongore
Omwishiki weitu
Twamubahereza
Mugyende
Mwombeke amaka
Agarikwera
Agari kuhereza
Mukama ekitinisa X2
(Third verse)
Iwe mwishiki iwe
Abazeire bawe
Bansindika nka messenger ngu nkugambire
Ngu ogyire emicwe nkegy'eyotwir'oine oyombeke amaka abantu bagahereze ekitinisa
Aza bayongyera bantuma ahariwe
Mr handsome ngu omwishiki ogu omukume,agume nkoku bamukuha n'ekindi ayeyongyereho konka ngu ormutaho enkojo
Aza bayongyera bashaba babashabira emigyisha ahari Ruhanga ogwe orikwera owobushoborozi ngu abahereze ebimuri ebimuri bya rukundo nimanyisa abaana ngu bazanire omumbuga yanyu
Chorus
Mumutware
Mumukume
Omubutongore
Omwishiki weitu
Twamubahereza
Mugyende
Mwombeke amaka
Agarikwera
Agari kuhereza
Mukama ekitinisa X2
(Last verse)
Ntakagyenzire mundeke nsime abantu mwena abahereza omukoro ogu ekitinisa mundeke mbebaze bambi mwebare okuhereza omukoro ogu ekitinisa
Reka nyebaze bakuru bamadini bambi mwebare mwatuheraza gye mwebare
Mr Dj webare ebyoma wabiteragye webare
Aza Mr Mc reka nkwebaze niwe webare webare munonga
Aba decoration nimwe kambebaze hanyirira mwa designingagye mwebare
Abatekyi mureke mbebaze twarya twiguta mwebare mwebare mwebare
