Guma

(Intro)

Yeah

Ya man

NR37 (alaali)

Nkaburijo ,Hero beats

Rash-Ford Entertainment 

 (Verse one)

Noyimu Kare

Butakashesire

Enkoko etakajugyire

Omushekye gutakajugutsire

Otambur'ahabigyere

Oz'omukatare

Kuronda sente manya abaana bababingyire

Mushaija weitu bambe n'empare zicwekire

Osiiba nokora obumwe oraara otabyamire

Okigaruka omuka abaana beija ngu bakutangyirire

Daddy kurikayo,,engaro ziri mweere

Tiheine ekiwareeta muhendera muyombire 

Ba neighbour basheka bakuteerera n'obukure

Okyiba oryaho bambe bikushobeire

Landlord zimureeta manya tokashashwire

Otakahwa amaani bambe guma ohamire

Gum'oshabe Ruhanga waawe owakuhangyire

Riryaaba rimwe egyo file agyihindure

Noyija kwevuga n'obujambo babukuhubire

(Chorus)

Guma guma guma guma

Bambi guma

Bambi guma ,ogume nogyezaho

Bambi guma

Bambi guma, noyija kumaraho ×2

(Verse two)

Guma norwaana bambi guma nogyezaho

Rwaana mashaija otafayo nobu oragyire iriho 

Eby'ensi nikwebiri byo nibyenda okuremeraho

Kukora namaani n'omutima okagutaho

East or West buri hamwe esente ziriho

Ekikuru wazitung'ota nikyo kibuuzo ekiriho

Ow'amatafaari hama omurimo otagurigaho

Omwaana w'eishomero neiwe ekitabo kifeereho

Amaani g'orikutamu nibw'obuhanguzi bworifuna

Ninkugambira amazima iwe otampakanisa mwana

Kora namaani mwaana kandi obiremereho ahakuba nibeigyi abarikwenda ngu obirugyeho

(Repeat the chorus)

(Verse three)

Waaba oyinemu nofuna abanywani 

Waaba oteinemu nooba nk'ekisiraani

Nooba useless nka doodo y'aha latrine 

Buri omwe naaba nakureeba nk'oteine plan

Ebyaawe nibiba nibibasisira amagyaani

Guma omanye ngu Ruhanga akwinire plan

Okore munonga kandi obitemu n'amaani

Ebi neby'alaali blood ti kiwaani

Nibakuteera enkokora

Bakuremesa okukora

Bakujuma ngu orwiire emira

Baza omu bantu bakuhemura

Konka iwe otagahwa, gumizamu nokora

Ruhanga weenka namara, noija kuhangura

(Repeat the chorus)

(Outro)

Eeeehhh

Ogume, ogume

Kandi okore

Owa booda,  owa taxi mwena mugume

Aah aah

NR37

Aah Aah

I sign out!